حالة الشباب في الآعيآد!!!

حالة الشباب في الآعيآد!!!




اهم الاحـداث اللي تصـير للـشباب قبل العيـد و بعـده ..


1- عند الخـياط ..


لازم كل واحد يستـلم ثوبـه الجـديد بليلة العيـد .. لان كلهم يتذكرون انهم مافصلـوا مـلابس الا بـآخر لحظة.
.
و طبعا ليلة العيد .. تنقضي عندهم بالهواش والمطاق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا صديع << دلع صديق




وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .
.
وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب
..



واللي يشق راس الخياط بالمقص عشان سعر الفاتورة ...


واللي يصن الخياط ببقس على دميجته لانه طالب قماش زبدهـ والخياط مفصل له ثوب من خامة تريكو ..
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..



2- في الحلاق..


تشوف الشباب صافين بالدور .. ((يذكروني بطابور مقصف الابتدائي ))..


(((((((((((بس من جد حالتهم تقطع القلب ..)))))))))))))


واحد يجره ابوه من كشته .. ... ..والثاني يبكي لان اخوه متعود يحلقه على الصفر ..ويقول له تكفى خل


لي خصلتين و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة


حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..


و ابوبندر ..بعد حيي والله جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...<< وليته ينفع فيه يبقى وجهه ما تغير ركبة بعير ..


واالي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..


واللي يهوش الحلاق لانه قص له مارينز بالغلط ..والثآني يصن الحلاق بطفآية الزقآير عشآنه خرب شنبه وصآر ممثل شنب هتلر .. خخخخخ
واللي جاي يزرع
وما خفي اعظم ..



3-صباح العيد..


ماغير تسمع اصوات تشقق اكياس بلاستيك ..< اصوات اكياس الفنايل الجديدة..ماركة الازدهار ..ولا دروووش ..


وعبدالمجيد يتهاوش مع منيرة اخته .. ويبي يتروش قبلها ...


وكلن يتروش بذمة و ضمير .. ومعه الليفة بالصابون .. ويقعد يفرك بها الين يلمع ويلق ويعرف ان الله حق ..


و حمود يسطر منقاش ... لان منقاش لبس طاقيته المشخله بالغلط ..


واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري


واللي تحرق الشغالة شماغه..


وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها .


واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..


واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم



هاوشته ومارضت تكوي له ثوب غيره ..!وغيره محتار ومايعرف يختار لنفسه شماغه ..


4-برى البيت..


سعيدان ..قائلا : اهبببببببببب يا محمد .. شف نوير بنت عمي اللي ماتستحي .. .. مطلعتن


كراعينها ..وسعيدان يرد عليه ويقول له .. استح .. هي لابستن هيلاهوب بيج ...



و فيصل قاعد يحش بخلق الله مع خويه طلال .. ويقول له ::رحمت عقال بدر اللي حاشي فيه شمآغـة..اللي يشوفه


يقول شاريه من بسطه ..


وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر لاوماد


لرجوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية


وبعد ماتصير الساعه 8 ...



تلاقي نص الشباب بالثمامة..هات يا تفحيط و تقحيص..


... و الزحمة تصير عند شواية الخليج .ولا الركن السعودي
..
واللي يطلع القنص مع الاهل


اتمنى أن تنآل إعجآبكم ..